Miercus e torne la campagne “Misure il to respîr”

E torne ancje in Dicembar la campagne “Misure il to respîr”, svilupade de Associazion Insuficients Respiratoris dal Friûl – Vignesie Julie adun cul ufici “Citâts sanis” dal Comun par promovi la culture de prevenzion cul sensibilizâ la popolazion al rispiet de sô salût. L’apontament al è miercus ai 17 di Dicembar di nûf di matine a misdì (9.00 – 12.00). Ta chê ocasion il distret sanitari di Udin al ufrìs la pussibilitât di fâ des provis su lis funzionalitâts de respirazion. Lis visitis, fatis cu la presince di un miedi pneumolic e di un tecnic de respirazion, a son sore nuie e si davuelzin cence bisugne di impegnative. Cui che al è interessât al à di presentâsi alì dal ufici informazions dal distret sanitari di vie S. Valantin 20 (plan tiere, a çampe) tra vot e vot e mieze de buinore (8.00 – 8.30) di miercus par prenotâ il test e ritirâ il cuistionari. Lis provis, in program intal ambulatori dal prin plan, a saran fatis inte stesse zornade tra nûf di matine e misdì. Par informazions si pues contatâ la AIR (vie Diaz, 60; telefon: 0432 294761; pueste eletroniche: air.udine@libero.it) o l’ufici “Citâts Sanis” dal Comun (telefon 0432 271384; pueste eletroniche: healthy.cities@comune.udine.it).