Al vie il progjet “Mettiamoci la faccia”

Al vie in curt ae sperimentazion dal progjet “Mettiamoci la faccia”, plan metût adun dal Comun e che za a tacâ dal mês che al ven al cjaparà il puest dai modui di cjarte, par rilevâ la cualitât dai servizis comunâi, in maniere informatiche, e par vê a disposizion i dâts in timp reâl. Al è dal 2009 che il Comun al invide i citadins a esprimi lis valutazions su la cualitât dai servizis. A tacâ dal Prin di Zenâr a saran ativis lis postazions inte aree anagrafe e demografiche. Il progjet “Ascolto attivo” intal 2013 al à cjapât sù plui di 6 mil segnalazions di citadins.