Oraris di viertidure tes fiestis par uficis e museus

I oraris dai uficis comunâi tes fiestis di Nadâl a viodaran come ogni an cualchi cambiament. Cun di plui dai dîs di fieste, par evitâ viertiduris e duncje straçariis tes zornadis dulà che la afluence dal public a je cuasi nule, vinars ai 2 e lunis ai 5 di Zenâr la plui part dai uficis comunâi a saran sierâts. Fasaran ecezion i servizis tai cimitieris e chei pes denunziis par nassitis e muarts cun di plui dal servizi di turni de polizie locâl. Par ce che a rivuarde i uficis di stât civîl in Vie Beato Odorico di Pordenon a saran vierts, simpri ai 2 e ai 5 di Zenâr, des 9 a misdì. Ma a sarâ une polse ancje pai servizis pai zovins gjestîts dal Comun di Udin: l’Informagiovani di Viâl Ungheria al restarà sierât al public dai 24 di Dicembar ai 2 di Zenâr. Lis Officine Giovani di plaçâl Valle del But a saran invezit simpri viertis cun variazions di orari dome te zornadis dai 24 e dai 31 di Dicembar. Il Centri di agregazion Punto Incontro Giovani di Viâl Forze Armate al sarâ viert ducj i dîs di lunis a vinars, la uniche variazion a rivuardarà il 31 di Dicembar cuant che l’orari al larâ di misdì aes 3. Par chel che al rivuarde i Civics Museus a sieraran la dì di Nadâl e il prin dal an, intant che al sarâ pussibil fâ des visitis inte zornade di Sant Stiefin, pe Epifanie e l’ultin dal an; i Museus dal Comun a restaran vierts fin a une dopomisdì.