Slungjadis fin ai 25 lis misuris par sbassâ l’incuinament

La Agjenzie regjonâl pe Protezion dal Ambient e à comunicât al Comun che si previôt che al larà indenant almancul fin a miezegnot dai 25 di Dicembar il superament dal valôr limit fissât de leç pai polvars lizêrs (Pm10). Par cheste reson la Aministrazion comunâl e vise che a van indenant lis misuris previodudis dal Plan di azion comunâl par limitâ l’incuinament. In plui dal invît a limitâ l’ûs dai veicui, si previôt l’oblic di sbassâ di 20 a 18 grâts lis temperaduris mediis intai edificis. Nissune proibizion invezit ae circolazion.