Oraris di viertidure dai servizis sot fiestis

Il Comun al informe che i sportei anagrafics che si cjatin intes ex circoscrizions a tornaran a vierzi cui 7 di Zenâr. Par chel che al rivuarde invezit i uficis di stât civîl di vie Beato Odorico da Pordenone, o sei la sede centrâl de anagrafe, intai dîs di vore a laran dilunc cui oraris normâi di viertidure al public, fûr che ai 2 e ai 5 di Zenâr cuant che a saran vierts di nûf di buinore a misdì. Ai 24 e ai 31 di Dicembar oraris diviers ancje pai sportei dal ambit socioassistenziâl logâts intes circoscrizions cuant che, di nûf a matine a misdì e mieç, i sportei des circoscrizions 4 e 5 adun, e lis circoscrizions 2 e 6 adun a garantissin la presince dai assistents sociâi. Par finî, miercus ai 31 di Dicembar il sportel casse dal comant de polizie locâl di vie Girardini al restarà sierât par permeti lis operazions contabilis di fin an.