Incuintri lunis sul ort urban e su lis culturis forestis

La promozion dal ort urban e de cognossince des culturis e dal mangjâ di altris Paîs a saran al centri di un incuintri inmaneât de Fondazion Colleggio della Provvidenza Onlus in colaborazion cul ufici Agenda21 dal Comun in program lunis 29 di Dicembar a 16.30 inte sale riunions de Fondazion, in vie Scrosoppi 2. Intal incuintri al sarà frontât il teme de impuartance pedagogjiche-educative-terapeutiche dal contat cu la tiere, cu la nature e dal lavôr al viert e al sarà presentât il progjet comunâl, “L’orto e la luna”. Ae fin de riunion si podaran cerçâ plats tipics di Paîs diviers, de Italie ae Indie, dal Myammar al Togo.