Fieste dal Prin dal an e Pignarûl in citât

Musiche, animazion e fûcs in Zardin Grant pe Fieste dal Prin dal an. La serade, inmaneade dal ufici Turisim dal Comun e de White Soud s.r.l., e tacarà a 22.30 e e larà indenant fin a 2 di matine. L’ event al sarà programât in direte ancje chest an su Udinese Channel, media partner de iniziative. Pôc prime di miezegnot il sindic, Furio Honsell e l’assessôr comunâl pes ativitâts produtivis e turistichis, Alessandro Venanzi, a puartaran i salûts e i auguris de aministrazion comunâl, fin al brindis e ai fûcs di miezegnot dal cuel dal cjistiel. Fieste de Epifanie in citât martars 6 di Zenâr cun 4 pignarûl. Si tache a 18 a Cussignà, al sarà piât a 18 ancje il pignarûl in Baldassarie, intal cjamp tra vie Baldasseria e vie Cargnacco. A 18.30 al è in program il pignarûl di Godie. L’ultin pignarûl al sarà piât a 19 a Casa dell’Immacolata in vie Chisimaio.