Indenant i apontaments di “Leggimì Leggimè”

A van indenant intes bibliotechis des Circoscrizions i apontaments di “Leggimì Leggimè” curâts dai letôrs volontaris dal Club Tileggounastoria e indreçâts ai fruts dai 4 ai 8 agns. Incuintris che si sierin po cun laboratoris di ativitâts creativis leadis aes storiis letis e metûts adun de associazion culturâl “San Lazzaro”. I prossims apontaments a son in program lunis ai 12 di Zenâr alì de biblioteche de Cuarte Circoscrizion in vie Pradamano 21, e martars ai 13 di Zenâr alì de biblioteche de Seconde Circoscrizion in vie Martignacco 146. Ducj e doi i incuintris a tachin a cinc dopodimisdì e a son a jentrade gratuite.