Polvars lizêrs parsore dai limits vuê e doman

La Agjenzie Regjonâl pe Protezion dal Ambient e à comunicât al Comun di Udin che si previôt un superament dal valôr limit fissât de leç pai polvars lizêrs (Pm10) sei par vuê che par dute la zornade di doman. La Aministrazion comunâl e vise duncje che ta chestis zornadis a son in vore lis misuris previodudis dal Plan di azion comunâl par limitâ l’incuinament atmosferic. In plui dal invît a limitâ l’ûs dai veicui, si previôt l’oblic di sbassâ di 20 a 18 grâts lis temperaduris mediis intai edificis. La proibizion no vâl pai edificis di categorie B o plui alte, par chei là che a son struturis sanitariis o scuelis, e pai alozaments là che a vivin personis che a patissin di malatiis cronichis.