Cors par nadâ, cun lunis viertis lis iscrizions

Cun lunis ai 12 di Zenâr si pues iscrivisi ae gnove session dai cors par nadâ inmaneâts dal Comun pai fruts nassûts tra il 2001 e il 2011. In dut i puescj a disposizion a son 297, dividûts su 11 turnis che si tignaran cun oraris e zornadis diviersis inte pissine Tomadini di vie Martignacco e alì dal implant comunâl di vie Pradamano a tacâ dai 6 di Fevrâr. Il cors al previôt cuindis lezions. Lis iscrizions a àn di jessi fatis sul sît internet dal Comun, alì de direzion www.comune.udine.it, e a restaran viertis fintremai lis sîs sot sere dai 15 di Zenâr. Par partecipâ al cors, cui che al è a stâ in comun di Udin al varà di paiâ 80,52 euros che a van jù a 53,68 intal câs che si vedi un Isee sot dai 30 mil euros. Par cui che al è a stâ intun altri comun, la cuote di iscrizion e je invezit di 134,20 euros. Par partecipâ si à ancje di presentâ un certificât medic che al garantissi che si è in stât di praticâ ativitâts sportivis no agonistichis.