Sierade la prime fase dal progjet “Panoptes”

Tacade tal passât mês di Lui a si è sierade la prime fase de mapadure dai implants privâts di videocontrol atîfs in citât. Cul progjet “Panoptes”, che al è il non de iniziative, il Comun al à puartât indenant un censiment dai sistemis privâts di videocontrol, ponts di riprese che a podaran jessi doprâts pal guvier de sigurece urbane e pes ativitâts di polizie judiziarie. Il risultât di cheste mapadure a rivuarde 320 telecjamaris privadis, presintis in 103 viis e placis de citât che, zontadis aes 340 telecjamaris comunâls a puarte a vê in dut 660 voi eletronics che a stan atents pe sigurece dai citadins. Il progjet “Panoptes”, disvilupât dal assessorât pe Inovazion in colaborazion cu la polizie locâl dal Comun, al larâ dut câs indenant ancje chest an cul censiment di altris areis de citât, cun l’obietîf di cuvierzi dut il teritori comunâl. Cuesture e il Comant provinciâl dai carabinîrs a daran il lôr contribût, segnalant lis areis plui a risi dulà che al è plui oportun meti in vore une azion di censiment.