A son viertis lis iscrizions dai nîts pe infanzie

Il Comun al informe che lis domandis di amission ai nîts pe infanzie pal an 2015-2016, cu la frecuence che a tacarà ator dal 1 di Setembar, a podaran jessi consegnadis a tacâ di lunis ai 2 di Fevrâr fintremai ai 31 di Març. Par fâ domande a son dôs modalitâts: la prime a dâ la pussibilitât di prenotâsi sul sît internet dal Comun ae direzion www.comune.udine.it, tal periodi tra il 19 di Zenâr e i 29 di Març e fissâ un apontament che al si davuelzarà po dopo tra i 2 di Fevrâr e i 29 di Març tai uficis dal Servizi integrât gjestion aministrative pai nîts pe infanzie in Viâl Ungheria 15. Cu la seconde modalitât si pôl scjamâ la domande di iscrizion dal stes sît internet, compilâ e tornâ a mandâ indaûr al Comun adun cuntune copie fotostatiche no autenticade dal document di identitât di cui che al fâs la richieste. Par inviâ la documentazion si pôl sielzi il numar di fax 0432.271729 o la pueste eletroniche certificade ae direzion protocollo@pec.comune.udine.it. Par informazions si à di clamâ ai numars 0432.271825 o 0432.271737 o scrivi ae direzion asilinido@comune.udine.it