Al torne “Dona un libro ai Nati per leggere”
Al torne ancje chest an il progjet “Dona un libro ai Nati per leggere” là che la sezion pai fruts e pai fantats de biblioteche Joppi e invide i citadins a comprâ un libri framieç di une selezion di titui par lassâlu po te cassele di pueste logade tes librariis che a partecipin. Par promovi la iniziative i letôrs volontaris dal Club “Tileggounastoria” a saran i protagoniscj di un pôcs di incuintris pai fruts e pes fameis che si tignaran intes librariis cjapadis dentri intal progjet. Ducj i apontaments si davuelzaran tra cinc e sîs intal dopodimisdì (17.00 – 18.00). Il prin al è in program domenie ai 25 di Zenâr inte librarie Giunti di vie Vittorio Veneto, po si larà indenant sabide ai 31 di Zenâr alì de librarie Moderna di vie Cavour, domenie prin di Fevrâr te librarie Ubik di place Marconi, vinars ai 6 di Fevrâr te librarie Pecora Nera di vie Gemona e sabide ai 7 di Fevrâr te librarie Feltrinelli di via Poscolle. La partecipazion ai apontaments e je sore nuie.