Il Comun al TAR su la trascrizion des gnocis omosessuâls

Il Comun si presentarà tant che part in judizi alì dal Tribunâl Aministratîf Regjonâl intal ricors fat indenant des dôs feminis, une di lôr udinese, che lis lôr gnocis intal forest a jerin stadis ripuartadis intal regjistri di stât civîl. Trascrizion po scancelade dal Prefet di Udin su indicazion dal Ministri dal Interni Alfano. “O sin dongje des dôs citadinis parcè che o lin dilunc a calcolâ dal dut legjitime la lôr domande di trascrizion” al à spiegât il sindic Furio Honsell zontant po che “rispiet ae plui part dai Stâts europeans, la Italie e à un deficit legjislatîf che si spere che al vegni jemplât in curt e situazions come cheste a puedin stiçâ i nestris legjislatôrs”.