Sisteme di videocontrol comun tra Comun e Prefeture

Al è stât sotscrit vuê, miercus 28 di Zenâr, a palaç D’ Aronco, tra il Comun e la Prefeture, un protocol comun pe sigurece dal teritori. L’acuardi al previôt l ‘ acès a un sisteme di videocontrol comun, cuntun colegament diret, al Comun, ae Polizie locâl, ai Carabinîrs e ae Cuesture. A son 51 lis telecjamaris peadis al sisteme che a podaran sei controladis di 3 postazions logadis intes salis operativis de Polizie locâl in vie Giardini, de Cuesture in viâl Venezia e dal Comant provinciâl dai Carabinîrs in viâl Trieste. Cun di plui il sisteme al podarà controlâ la sigurece ancje traviers su par jù 370 telecjamaris privadis e 290 comunâls za instaladis. Il progjet al è finanziât de Regjon cuntun invistiment di 110 mil euros.