Colaborazion cun Informest su la progjetazion europeane

Joibe ai 29 di Zenâr il sindic Furio Honsell, compagnât di altris membris de Zonte e di un grup di responsabii dei servizis, si è cjatât a palaç D’Aronco cuntune delegazione di Informest vuidade dal president Enrico Bertossi e de diretore Sandra Sodini. L’obietîf dal incuintri al jere chel di zovâsi des competencis di Informest par judâ i uficis dal Comun a infuartî la lôr capacitât di fâ progjetazion europeane massime a front des prospetivis ufiertis de gnove programazion 2014-2020. Cuatri lis liniis che la Aministrazion comunâl e ponte a svilupâ rispiet ai fonts metûts a disposizion de Union Europeane, ven a dî: miorament energjetic, benstâ e salût, mobilitât inteligjente e sostenibile, timps de citât.