Cors di ativitât motorie, iscrizions dai 2 ai 6 di Fevrâr

A tornin ancje chest an i cors di ativitât motorie promovûts des circoscrizions udinesis che par iscrivisi al è timp dai 2 ai 6 di Fevrâr. A son dîs i turnis disponibii pai cors che si davuelzaran dôs voltis par setemane in vot palestris ator pe citât dai 19 di Fevrâr ae fin di Mai. Alì de Zardini di vie Padova i cors si tegnin il lunis e la joibe di cinc a sîs sot sere (17.00 – 18.00), ae S. Domenico in vie Massaia il lunis e la joibe di cinc a sîs o pûr di sîs a siet sot sere (17.00 – 18.00 o 18.00 – 19.00), ae Carducci di viâl Tricesimo il martars e il vinars di cinc a sîs sot sere (17.00 – 18.00), ae D’Orlandi di vie Sabbadini il martars e la joibe di sîs a siet sot sere (18.00 – 19.00), ae Vecchiatto di vie S. Pietro il martars e la joibe di sîs a siet sot sere (18.00 – 19.00), ae Zorutti di vie XXX Ottobre il martars e la joibe di cinc a sîs sot sere (17.00 – 18.00), ae 4 Novembre di vie Magrini il miercus e il vinars di sîs a siet sot sere (18.00 – 19.00), e ae Fermi di vie Pradamano il miercus e il vinars di cinc a sîs o pûr di sîs a siet sot sere (17.00 – 18.00 o 18.00 – 19.00). Par iscrivisi al covente presentâ un certificât di idoneitât ae pratiche sportive no agonistiche. Il cost de iscrizion al è di 80,52 euros par cui che al à mancul di 65 agns e di 67,10 euros par cui che al à passât cheste etât. Tal câs che si vedi une certificazion Isee sot dai 30 mil euros la tarife si sbasse a 53,68 euros tal prin câs e a 33,55 euros tal secont câs. Pes iscrizions si pues lâ alì dai sportei dal citadin des circoscrizions. Informazions plui in detai si lis cjate sul sît internet dal Comun ae direzion www.comune.udine.it , alì des Circoscrizions o alì dal centri informatîf di vie Savorgnane.