Iscrizions viertis pai cors di ativitât motorie

Cun vuê e fintremai vinars ai 6 di Fevrâr a son viertis lis iscrizions pai cors di ativitât motorie promovûts des circoscrizions udinesis che si inviaran cui 19 di Fevrâr. Par iscrivisi al covente presentâ un certificât di idoneitât ae pratiche sportive no agonistiche. Il cost de iscrizion al è di 80,52 euros par cui che al à mancul di 65 agns e di 67,10 euros par cui che al à passât cheste etât. Tal câs che si vedi une certificazion Isee sot dai 30 mil euros la tarife si sbasse a 53,68 euros tal prin câs e a 33,55 euros tal secont câs. Pes iscrizions si pues lâ alì dai sportei des circoscrizions. Informazions plui in detai si lis cjate sul sît internet dal Comun ae direzion www.comune.udine.it , alì des Circoscrizions o alì dal centri informatîf di vie Savorgnane.