Manifestazion “Costumi e sapori dal mondo” pal Carnevâl

A torne ancje chest an pal Carnevâl udinês la manifestazion “Costumi e sapori dal mondo”, in program dai 12 ai 15 di Fevrâr in vie Cavour, vie Savorgnana e in place Libertà. L’ event, inmaneât de Flash srl in colaborazion cul Comun, al previôt cuatri zornadis di musiche, divertiment, bai, zûcs par fruts e prodots tipic e artesans. A sierâ il Carnevâl 2015 al e sarà , martars gras, ai 17 di Fevrâr, in place Matteotti di 15.30 a 17.30 “Microcirco” un spetacul dal circ Teatro Retrò cu la compagnie Acquarone Ferraris. Il Carnevâl udinês al previôt ancje diviersis iniziativis realizadis in colaborazion cu la ludoteche comunâl, l’ assessorât pal decentrament e la biblioteche civiche “V. Joppi” che dai 9 ai 19 di Fevrâr e proponarà diviers leturis par fruts intes bibliotechis citadinis. Iniziativis ancje al Museu Etnografic, sabide ai 7 e ai 14 di Fevrâr, cun laboratoris pai fruts su lis mascaris, in particolâr peâts aes tradizions dal Pust, il carnevâl di Resie.