Laboratori sul Carnevâl rosean tal Museu Etnografic

Sabide ai 7 e sabide ai 14 di Fevrâr il Museu Etnografic dal Friûl si davuelzarà “Quattro passi nel Püst! Piccolo laboratorio di danze resiane” dedicât ae tradizion dal Carnevâl di Resie e curât di Sistema Museo, Altreforme e Comun di Udin, cu la partecipazion dal grup folcloristic “Val Resia”, de Union folcloriche taliane e de Union dai grups folcloristics dal Friûl – Vignesie Julie. Tes dôs zornadis, a une dopodimisdì (13.00) e je previodude une visite vuidade dedicade aes mascaris e al rît dal Püst, e di dôs fin cuatri (14.00 – 16.00) al è in program il laboratori. Cun di plui, sabide ai 14, ae iniziative a parteciparan ancje lis mascaris tradizionâls dal Carnevâl rosean. Il cost par ognidun dai doi apontaments al è di 25 euros. Se si vûl partecipâ a ducj i doi invezit il cost al è di 40 euros. I puescj disponibii no son tancj e duncje si à di notâsi prime al numar 334 1046673 o vie pueste eletroniche a callcenter@sistemamuseo.it .