Al torne il progjet Teatro Sosta Urbana

Al torne ancje chest an, dopo dal sucès dal an passât, il progjet Teatro Sosta Urbana. 8 i spetacui in program intai diviers cuartîrs de citât. La rassegne e je in program dal mês di Fevrâr a chel di Lui. Confermâts pai spetacui il Palabocce di Cussignà, che al darà acet al prin spetacul, chel di Fevrâr e la sale Polifunzionâl inte 5^ circoscrizion pal spetacul par fruts il mês di Mai. 3 apontaments inte sale Sguerzi inte 6^ circoscrizion, a Març, a Avrîl e a Jugn. Ultin spetacul, a lui, al arc di Sant Svualt. Cun di plui chest an la rassegne e rive ancje intai locâi publics, ae ostarie “Da Pozzo” in plaçâl Cella a Mai e ae ostarie “Luc di Pitie” a Jugn. Il prin apontament al è in program domenie, ai 15 di Fevrâr, a 17.30 al Palabocce di Cussignà cun “Contis tarondis, storiis da la Scjatepantiane”. Dut il program de iniziative al è disponibil sul sît www.teatrodellasete.com.