Screât il gnûf implant sportîf di vie Barcis

Al va indenant il program par ricualificâ i implants sportîfs de citât. Vuê, joibe ai 12 di Fevrâr, si à screât il gnûf implant sportîf di vie Barcis cu la partecipazion dal sindic Furio Honsell, de assessore Raffaella Basana, dal conseîr comunâl Pierenrico Scalettaris, e di une rapresentance de associazion sportive S. Gotart che e à in man la gjestion de struture. La Aministrazion comunâl e à metût par chest intervent sù par jù 337 mil euros. In plui di meti in sest e di miorâ lis struturis che za a esistevin, si à fat sù un edifici gnûf là che a son dentri i camarins pai arbitris, un locâl pes visitis medichis e magazens. Cun di plui, propit ta chestis zornadis, a son daûr a rivâ insom lis operazions par assegnâ i lavôrs che a interessaran l’implant di vie Pradamano.