Presentazion a Rome dal progjet “Scuola in movimento”

Il progjet “Scuola in movimento” de scuele primarie Dante, la prime scuele sportive di Italie, al sarà presentât joibe ai 19 di Fevrâr a Rome intal seminari di formazion par dirigjents scolastics “Dirigere le scuole in contesti multuiculturali. Promuovere e governare l’ integrazione”. Il progjet al previôt pai alums almancul une ore al dî di ativitât fisiche. Il plan al è stât realizât dal Comun e dal 3° istitût comprensîf in colaborazion cul Ufici provinciâl Educazion motorie, fisiche e sportive, il comitât scuele Dante, la parochie dal Carmine, la associazion Genitori Comunità Edecante, la facoltât d Scienzis Motoris de Universitât dal Friûl e la fondazion Crup. Il progjet al sarà in vore par 5 agns. Cun di plui, in chestis zornadis la scuele Dante e je rivade ae finâl dal premi talian Anter ,Associzion taliane tutele energjiis rinovabilis, pe categorie “Miglior evento mediatico”, par vê partecipât ae edizion 2014 di “Energia in gioco”.