Dut pront pal Martars Gras udinês

Al è dut pront a Udin pal finâl dal Carnevâl cuntun dopodimisdì siôr di animazions pai fruts. Pal Martars Gras, tra trê e mieze e cinc e mieze (15.30 – 17.30), place S. Jacum i darà acet a “Microcirco”, un spetacul dal Teatro Retrò cu la compagnie Acquarone Ferraris. La Ludoteche comunâl invezit e proponarà, di trê dopodimisdì a sîs sot sere (15.00 – 18.00), une viertidure straordenarie dedicade ai cjalçuts diviers: grancj e piçui che a laran intai locâi di vie del Sale a son di fat invidâts cuntun cjalçut par sorte.