Incressût l’implant di iluminazion in vie Dante

Vincj ponts di iluminazion in plui a son stâts metûts in vie Dante par iluminâ e rindi plui sigûrs la piste ciclabile e i marcjepîts. Dopo dai intervents di potenziament de iluminazion publiche par ricualificâ il borc de stazion, in vie Ciconi e in vie Leopardi, realizâts in acuardi ancje cu la Cuesture e cun Acegas–Aps–Amga, la aministrazion comunâl e à aumentât la iluminazion in vie Dante in ducj e doi i sens di marcje.