Un gnûf progjet pai fruts cun dificoltâts linguistichis

Il Comun al poie une gnove iniziative tes scuelis pai fruts che a àn dificoltâts linguistichis o che a fevelin une lenghe mari diferente. Il progjet al tacarà de scuele pe infanzie Pecile par cure de Fondazion Radio Magica cun l’obietîf di judâ i frutins in dificoltât a disvilupâ strategjiis par semplificâ e incressi la comunicazion. A lavorâ in colaborazion cui insegnants de Scuele Pecile a sarâ Paola Sarti, esperte di comunicazion che a permetarà aes personis cun problemis di cjatâ gnovis formis di contât, cun particolâr atenzion al lengaç orâl e ae scriture. A sarâ la stesse esperte a fâ monitorament cui fruts, dialogâ cui insegnants e inviâ struments e strategjiis par favorî la integrazion linguistiche, ancje par mieç dal ûs de simbologjie grafiche. Daspò di une prime fase di inviament dal progjet, la redazion di Radio Magica a curarà la realizazion di une golaine di prodots audio, video e su cjarte fondâts pal plui su la simbologjie grafiche, par presentâju e testâju tes  scuelis.