Ai 3 di Març il “Piçul Princip” in ludoteche

Martars ai 3 di Març e sarà une zornade intal non dal “Piçul Princip” alì de ludoteche comunâl. cun di fat, di trê fin sîs tal dopodimisdì (15.00 – 18.00) intai locâi di vie del Sale si varan diviersis ativitâts leadis ae innomenade opare di Antoine de Saint-Exupéry, cun zûcs di taule, leturis e laboratoris ispirâts ai personaçs e ai contignûts dal libri. Si trate dal prin di une schirie di apontaments dedicâts ai classics de leterature pai fruts che a colaran une volte al mês. La jentrade e je libare.