Progjet didatic sul ricicli alì de Valussi e de D’Orlandi

Al è stât firmât un acuardi sperimentâl tra il Comun di Udin, la Net, la associazion Animaimpresa e la societât di ristorazione Camst che al previôt di meti doi bidons dal compost alì de scuele secondarie di prin grât “Valussi” e de primarie “D’Orlandi”. L’intindiment al è chel di sensibilizâ i fruts su la riduzion des straçariis alimentârs e su la impuartance dal riciclâ inte gjestion des scovacis. Lis compostieris a coventaran massime par butâ ce che al vanze de verdure, des pomis e di altris scarts de mense, intant che il compost produsût al sarà doprât pal ort didatic o ben pes jechis de scuele. In plui de utilitât pratiche, si varà ancje chê didatiche cui fruts che a saran compagnâts ae scuvierte di chest percors di ricicli. Cumò che l’acuardi al è stât sotscrit, il progjet al sarà presentât ai fantacins de “Valussi” ai 12 di Març.