Cualchi zornade di sierade pes pissinis comunâls

Il Comun al vise che par resons tecnichis la pissine di vie Pradamano e restarà sierade al public fintremai sabide ai 7 di Març, zornade là che l’implant al tornarà a vierzi cul orari 13.30 – 18.00. Ancje la pissine dal Palamostre e restarà sierade, ma par pôc, par permeti il davuelzisi dai Zûcs sportîfs dai students. Lis garis a impegnaran l’implant di vie Ampezzo inte buinore di miercus ai 11 di Març. Par informazions plui in detai si pues clamâ il 0432 271750.