Domandis pal rimbors des spesis pe energjie eletriche

Dai 9 di Març ai 8 di Mai si pues presentâ domande pal rimbors des spesis vudis vie pal 2014 pe energjie eletriche. A vê dirit a chest jutori a son i titolârs di une Cjarte Famee. Se la cjarte e je scjadude al covente tornâ a domandâle. Ta chest câs e tal câs di Cjartis Famee gnovis si à indotâsi dal gnûf Isee jentrât in vore cul prin di Zenâr di chest an. Inte domande par vê acès al contribût pe energjie eletriche al covente specificâ la cifre totâl de spese che si volarès il rimbors e il codiç POD che si riferìs ae utence. Par consegnâ lis domandis si pues lâ intai uficis des Circoscrizions, de seconde ae setime, il lunis di dîs di matine a dôs dopodimisdì (10.00 – 14.00), dal martars al vinars di vot e mieze di matine a misdì e mieç (8.30 – 12.30), e la joibe ancje di trê dopodimisdì a sîs sot sere (15.00 – 18.00). Lis domandis si pues presentâlis ancje alì dal sportel Cjarte Famee di vie Stringher, dal lunis al vinars di nûf mancul un cuart di matine a misdì e un cuart (8.45 – 12.15), e alì dal sportel Sissu dal centri polifunzionâl Micesio, dal lunis al vinars di nûf mancul un cuart di matine a misdì e un cuart (8.45 – 12.15) e ancje intal dopodimisdì dal lunis di trê e un cuart a cinc mancul un cuart (15.15 – 16.45). Cun di plui si pues mandâ lis domandis cun racomandade a/r indreçade al Comun di Udin – vie Lionello 1, o vie pueste eletroniche certificade ae direzion protocollo@pec.comune.udine.it . I modui che a coventin si pues cjatâju in ducj i uficis che si à ricuardât e ancje sul sît www.comune.udine.it.