Rose di Gurize al centri de coletive des Circoscrizions

E sarà la “rose di Gurize” la protagoniste de prossime mostre coletive inmaneade des Circoscrizions citadinis che si screarà vinars ai 6 di Març a sîs e mieze sot sere (18.30) tai locâi di vie Pradamano 21. La esposizion, promovude dal assessorât pal decentrament cul jutori de associazion culturâl “Quadrante Arte” e dal circul culturâl fotografic il “Grandangolo”, e presente lis oparis di un grup di pitôrs e di fotografs che a àn rindût omaç a cheste produzion furlane. La mostre e restarà vierte fintremai i 7 di Mai, dal lunis al vinars di nûf mancul un cuart di matine a misdì e un cuart (8.45 – 12.15) e, di lunis, di martars e di joibe ancje di trê dopodimisdì a sîs sot sere (15.00 – 18.00). La jentrade e je libare.