Manifestazion “Pi greco Day” dai 10 ai 14 di Març

Ancje chest an il Comun al partecipe al “Pi greco Day”, manifestazion internazionâl par promovi e sburtâ il studi de matematiche, in program a Udin dai 10 ai 14 di Març. A vierzi l’ event al sarà martars ai 10 di Març, di 16 a 18, inte ludoteche comunâl di vie del Sale un torneu di Mancala, zûc african. Simpri inte biblioteche comunâl miercus 11 di 16 a 18, zûcs di inzen. I alums des scuelis primaris invezit a saran protagoniscj, vinars 13 di 9.30 a 12 in ludoteche, di une gare a scuadris di matematiche curade di Mathesis. Confermade ancje in cheste edizion la colaborazion cul cine Visionario, cu la proiezion su prenotazion joibe 12 di 10 a 13, pes scuelis primaris di secont grât, di “The imitation game”. Ancje chest an no mancjaran lis iniziativis organizadis in colaborazion cu la Uisp, tant che la “Pi Run-Corsa del Pi greco”, sabide 14 a 15.14 al parc Moretti, la “Pi free walking”, sabide di 16 a 17, e la cjaminade “A spasso con il Pi Greco”, vinars 13 a 15.14 cun partence di Zardin Grant. La manifestazion e jentrarà intal vîf vinars 14 di Març cu la “Sfida all’ ultima cifra”, gare di memorie. Simpri vinars a 18 conference in sale Ajace inmaneade de Universitât dal Friûl. A sierâ la manifestazion al sarà domenie ai 15 di Març di 9.30 a 13 e di 14.30 a 18 inte ludoteche il Grand Prix talian 2013 di Otello.