Cors su lis tecnichis di fonde des ripresis video

Si invie joibe ai 12 di Març a cinc dopodimisdì (17.00) alì de Officine Giovani (plaçâl Valle del But) il cicli di trê apontaments pensâts par insegnâ ai fantats lis tecnichis di fonde des ripresis video. Il laboratori, condusût di Matteo Bellotto de associazion Uponadream Studio, al larà po indenant intai dopodimisdîs di joibe ai 19 e ai 26 di Març par un totâl di 8 oris di lezion. Il cost par partecipâ ae iniziative al è di 12 euros. Par informazions: 0432 541975 o officinegiovani@gmail.com .