I grafics dal “LAB” protagoniscj des “Invasioni artistiche”

A son i fantats che a operin alì dal centri di formazion professionâl “LAB” dal Centri “Giovanni Micesio” i protagoniscj dal progjet “Invasioni artistiche. Giovani artisti in biblioteca” nassût de colaborazion jenfri Agjenzie Zovins e biblioteche civiche dal Comun di Udin cun chê di ufrî un spazi espositîf pai zovins artiscj locâi. Cun di fat, fintremai i 20 di Avrîl, la sale Corgnali de “Joppi” i darà acet a di une esposizion des ilustrazions metudis adun dai grafics dal “LAB” centradis sul teme dal cjapâsi cure. La mostre si pues visitâle intai stes oraris di acès pe biblioteche, ven a dî il lunis di dôs dopomisdì fin siet sot sere (14.00-19.00), di martars a vinars di vot e mieze di buinore fin siet sot sere (8.30-19.00) e la sabide di trê dopomisdì fin siet sot sere (15.00-19.00). Lis oparis si pues viodilis ancje alì dal bar “Tom’ Art Café” di vie Palladio dal lunis ae sabide, di siet e mieze di buinore a nûf e mieze di sere (7.30 – 21.30).