In citât a son 210 lis coloniis di gjats censidis

210 coloniis felinis censidis, 190 gjats sterilizâts, 112 cjatâts ferîts e curâts. A son i numars che a contin in struc la ativitât davuelte in maniere coordenade dal Comun di Udin, de Aziende Sanitarie dal Friûl di Mieç e dal Enpa dilunc vie dal 2014. La leç, di fat, e assegne ai Comuns il compit di censî lis coloniis felinis che si cjatin intal lôr teritori e di proviodi a curâ la lôr salût, se dal câs ancje cun intervents di sterilizazion. Magari cussì no a son ancjemò tancj i citadins che no rivin o no vuelin viodi dai gjatuts cuant che a nassin e cussì ju bandonin. Par limitâ cheste situazion, e spieghe la assessore Cinzia Del Torre, al è impuartant sensibilizâ la citadinance e invidâle a zovâsi de sterilizazion par evitâ po consecuencis piês. Intal 2014 il Comun di Udin par gjestî lis coloniis di gjats de citât al à spindût sù par jù 37 mil euros.