Vinars si presentin lis memoriis de partigjane Giulia
La ANPI di Udin e à decidût di tornâ a stampâ il libri “I ricordi di Giulia. La storia di Rosa Cantoni” là che a son lis memoriis di Rosina Cantoni, non di bataie Giulia, protagoniste de Resistence furlane, stafete partigjane sorevivude al cjamp di concentrament di Ravensbrück. La presentazion dal volum scrit di Luigi Tessitori e je in program vinars ai 20 di Març in sale Ajace a sîs sot sere (18.00) inte suaze de manifestazion Calendidonna. A presentâ il libri, dongje dal autôr, a saran la presidente de universitât de LiberEtà Pina Raso, la atore Aida Talliente, la vicepresidente de ANPI udinese Antonella Lestani, e la ricercjadore Monica Emmanuelli.