Laboratoris e visitis vuidadis tai museus citadins

Sabide ai 28 di Març, a trê dopodimisdì (15.00), al è in program un laboratori dedicât ai fruts dai 4 ai 6 agns su lis oparis di Giorgio Griffa che si cjatin inte mostre “Un’idea di pittura. Astrazione analitica in Italia, 1972-1976” a Cjase Cavazzini. Par iscrivisi si à di prenotâsi dentri dai 26 di Març al 0432 414749 o cuntune mail a didatticamusei@comune.udine.it. Il cost al è di 8 euros. Domenie ai 29 di Març, invezit, a undis di matine (11.00) alì dal Museu Etnografic si varà la visite vuidade ae mostre “Alberto Calligaris. L’arte del ferro”. Ancje ta chest câs si à di prenotâsi dentri dai 26. La visite e coste 5 euros plui il biliet di jentrade scontât. Simpri domenie, ma tra trê e cinc dopodimisdì (15.00 – 17.00), alì dal Museu Archeologjic sù in cjistiel al torne il spazi par fruts e fameis: i prins a jentrin a gratis, i adults a àn invezit di paiâ la jentrade al museu.