Ancje chest an “Musica e Musei” il Lunis di Pasche

E torne ancje chest an “Musica e Musei”, la iniziative che il Comun al organize pal Lunis di Pasche in Cjistiel. La manifestazion, in program ai 6 di Avrîl e realizade in colaborazion tra i Civics Museus, la Associazion Progetto Musica, Live Act, la Cjase de Contadinance e il sostegn di AXA Assicurazioni, a previôt la viartidure sore nuie par dute la zornade dai Museus dal cjistiel. Si tacarà a 11.20 cun sessions di musiche jazz curadis di Live Act, fin a 12.30 cuant che al è in program un conciert intal salon dal Parlament organizât de Associzion Progetto Musica. Intal dopo misdì a tacà di 15.20 lis visitis vuidadis a saran compagnadis di sessions di musiche jazz, fin a 16.30 cuant che intai zardins dal cjistiel al è in program un conciert di musiche popolâr. Intai zardins dal Cjistiel il Lunis di Pasche si podarà ancje fa mirinde o si podaran cerçâ, ae Cjase de Contadinance, i plats de tradizion economiche locâl.