Limitazions al trafic su viâl Palmanova fin ai 20 di Avrîl

Il Comun al vise che di miercus 1 a lunis ai 20 di Avrîl su viâl Palmanova si varan lavôrs par cimâ i arbui. Par cheste reson, inte fasse orarie di vot e mieze di buinore a siet di sere (8.30 – 19.00), si varan des limitazions al trafic intes tratis là che in chel moment si è daûr a lavorâ. In particolâr, là che al è in vore il cantîr, si larà a strenzi la cjarizade cuntun sens unic alternât. Al è pussibil che si vedin ancje dai blocs dal passaç tal câs che al coventi liberâ la strade des ramacis coladis dopo dal tai. La polizie locâl e à metût fûr alì dai acès al viâl (plaçâl D’Annunzio, il sorepàs, il sotpàs di viâl Europa Unita, vie di Brazzà e vie dal Partidôr) i cartei che a visin de pussibilitât di codis o di ralentaments. Pai bus, invezit, no je previodude nissune limitazion.