“Esercizi commerciali virtuosi”, i bogns esemplis udinês

Si siere la campagne “Esercizi commerciali virtuosi” che Legambiente e à inmaneât cu la poie dal Comun di Udin inte suaze dal Plan di azion pe energjie sostenibile cun chê di promovi e di slargjâ tal setôr terziari buinis pratichis intal sparagn energjetic. Trê i esemplis virtuôs cjatâts fûr di Legambiente, ven a dî l’hotel Ramandolo, la gjelatarie Fiordilatte e il supermarcjât Despar di vie Del Bon. Si trate di esemplis impuartants che si podaressin ancje slargjâ ta chei altris ancje framieç di chês altris ativitâts dal setôr. A Udin, di fat, si à une vincjine di gjelatariis artesanâls, vincjecinc albiercs e cuasi une cincuantine di supermarcjâts cuntune superficie di passe 300 metris cuadrâts.