“Udine Greenways” tra i finaliscj di “Smart Communities”

I percors verts dal Sisteme Urban Udinês a son tra i finaliscj dal premi “Smart Communities” di Smau Padova 2015, ricognossiment pai progjets virtuôs promovûts dai ents locâi inte suaze dal svilup di “comunitâts inteligjentis”. Si fevele di “Udine Greenways”, il portâl par scuvierzi e par valorizâ i percors naturalistics de aree udinese, là che a son dentri ancje i Comuns di Cjampfuarmit, Martignà, Tavagnà, Pasian di Prât, Tresesin, Puçui e Paulêt.