Disponibile in curt “App città di Udine”

E sarà disponibile in curt “App città di Udine”, la aplicazion che il Comun al è daûr a meti adun par meti a disposizion dai citadins e dai turiscj, in rêt, servizis e informazions, tant che i oraris dai autobus, lis comunicazions sul trafic, i events , lis gnovis, i puescj di visitâ e i parc machinis disponibii in citât. Si trate di un progjet realizât di InfoFactory, spinoff de Universitât dal Friûl cul contribût dal Servizi sistemis informatîfs e telematics dal Comun. La aplicazion e varà une sezion dedicade dal dut ae ristorazion e ai bars. Par chest la aministrazion comunâl e invide ducj i titolârs di ativitâts peadis ae ristorazion, interessâts a sei cjapâts dentri de aplicazion, a compilâ, dentri dai 17 di Avrîl, la domande presinte sul sît dal Comun.