Vinars conciert di Eduard Lenner a Cjase Cavazzini

Vinars ai 10 di Avrîl a cinc e mieze dopodimisdì (17.30), inte suaze de manifestazion “Arti parallele” metude adun de associazion Amici della Musica e dal Museu di Art Moderne e Contemporanie di Udin, intal salon di Cjase Cavazzini si tignarà il conciert dal pianist slovac Eduard Lenner, che al sunarà tocs di Schumann e Tchaikovsky. L’apontament al sarà introdusût de conservadore dal museu Vania Gransinigh, pe part figurative, e de presidente de associazione Amici della Musica Luisa Sello. La iniziative e je vierte fin che a son puescj disponibii. La jentrade e je di 5 euros. Il prossim apontament de rassegne al è in program ai 21 di Mai.