Gnove e dizion da “L’Orto e la Luna – orti urbani udinesi”

Dopo dal bon acet vût intes edizions stadis, e torne “L’Orto e la Luna – orti urbani udinesi”, la iniziative dedicade al ort inmaneade dal ufici Agenda21 dal Comun di Udin. Si tache joibe ai 16 di Avrîl a sîs sot sere (18.00) in sale Ajace cu la conference di Lorenzo Favia de Coldiretti che al darà un pôcs di conseis su cemût fâ un ort di gale sui barcons di cjase. Stes lûc e stes orari pal secont apontament che si tignarà vinars ai 24 di Avrîl: e sarà la ocasion par fevelâ di ort e salût cul responsabil dal Servizi di alergopneumologjie pediatriche de Universitât di Udin Mario Canciani e cul speziâr Antonino Danelutto. Joibe ai 7 di Mai si spostisi invezit a Cividât là che a trê dopodimisdì (15.00) si visitarà la aziende agricule “Il Giardino del Chiostro”. L’ultin apontament, in program joibe ai 21 di Mai a sîs sot sere (18.00) alì de sale des gnocis de Loze dal Lionel, al è invezit dedicât al rapuart tra ort e cusine cul chef Ennio Furlan. Dutis lis lezions a son sore nuie, ma si pues partecipâ dome fin che al è puest. Par plui informazions si pues contatâ l’ufici Agenda 21 ai numars 0432 271525-615 o su agenda21@comune.udine.it.