Laboratori di fotografie e fumuts cu lis Officine Giovani

Al è pront par tacâ “ImmaginiAMO”, il gnûf laboratori de Officine Giovani dedicât aes fantacinis e ai fantacins dai 11 ai 18 agns par che a scuvierzin lis fondis de fotografie e de art dai fumuts. Il cors, che al è sore nuie, al previôt trê apontaments in program di trê a sîs dopodimisdì (15.00 – 18.00) di vinars ai 17, lunis ai 20 e lunis ai 27 di Avrîl. I laboratoris creatîfs des Officine Giovani a laran po indenant ancje intal mês di Jugn cun “GiocoliAMO”, percors par sperimentâ il mont dai zûcs artistics e dal circ. Par informazions e iscrizions si à di contatâ la segretarie des Officine Giovani al numar 0432 541975 (di martars a sabide tra 16.45 e 19.45) o ae direzion di pueste eletroniche officinegiovani@gmail.com .