Ai 18 di Avrîl scree de mostre dedicade a Giuliano Cecone

Giuliano Cecone al sarà protagonist di “Tra mostri e cavalieri: la vita nascosta degli oggetti”, la gnove mostre in program alì dal Museu Etnografic. La esposizion, curade dal grup Costumi tradizionali bisiachi di Turiac, si screarà sabide ai 18 di Avrîl, a undis di matine (11.00) a palaç Giacomelli. Lis oparis in mostre a proponin une sorte di “art ecologjiche” che, di une bande, si palese tant che riflession critiche dal consumisim de societât moderne e, di chê altre, e marche il leam cui mistîrs de tradizion. Tal svilupâ lis sôs oparis Cecone al cjol sù e al met dongje imprescj e ogjets comuns, ju gjave de lôr suaze e ju torne a fâ vivi intune dimension gnove. La mostre e restarà vierte dai 19 di Avrîl ai 2 di Jugn e si podarà visitâle dal martars ae domenie di dîs e mieze di matine a cinc dopodimisdì (10.30 – 17.00). Cui 29 di Avrîl l’orari di vierzidure si slungjarà fintremai siet sot sere (19.00).