Al vie il Meeting di Pace
Al vie vuê di matine, vinars ai 17 di Avrîl, il Meeting di Pace intes trinceis de prime vuere mondiâl. Si trate di une iniziative, in program ai 17 e ai 18 di Avrîl, inmaneade intal cantin des manifestazions dal centenâr de prime vuere mondiâl che e cjaparà dentri 3500 personis tra students, zovins,insegnants, aministradôrs locâi, animadôrs culturâi, gjornaliscj, scritôrs, gjenitôrs, citadins e istituzions. 90 lis scuelis che a partecipin ae iniziative, 68 lis citâts talianis, plui di 200 istituzions, associazions e organizazions. Il program al previôt la realizazion di 17 laboratoris di pâs, une marce pe pâs e une assemblee intal Cjistiel. Il Meeting di Pace al è tacât vuê ancje a Palme, Monfalcon, Davian e Montreâl.