La violence cuintri des feminis sabide a TSU

Inte suaze dal Teatri Soste Urbane sabide ai 18 di Avrîl al rive “Ossa”, spetacul che al fronte il teme de violence in cjase, massime chê cuintri des feminis. Dôs lis replichis in program, une a sîs sot sere (18.00) e chê altre a nûf (21.00), alì de Sale Sguerzi de Seste Circoscrizion (vie S. Stefano 5 a Sant Svualt). Sul palc i atôrs Serena Di Blasio e Riccardo Maranzana, intun lavôr scrit di Carlo Tolazzi, Serena Di Blasio e Andrea Collavino.