Alì dal PIG un percors pai fantats par cognossisi miôr

Ae ufierte za siore dal Punto Incontro Giovani dal Comun di Udin, si zonte cumò ancje une propueste dedicade ae sperimentazion e ae scuvierte di se. Si trate di une schirie di incuintris che si davuelzaran intai locâi di viâl Forze Armate 6, par vot martars di file, di dôs a cuatri dopodimisdì (14.00 – 16.00) a tacâ dai 21 di Avrîl. Si trate di un percors, indreçât ai fantats dai 14 ai 20 agns, che al vûl judâ a imparâ a gjestî lis emozions, a vê plui fiducie in se stes e a liberâ la creativitât. Par informazions plui in detai si pues scrivi a puntoincontrogiovani@libero.it o telefonâ al 340 3162294.