E torne Biomovies, la rassegne dedicade al mont naturâl

Il Museu furlan di Storie naturâl al torne a ricjapâ il viaç ae scuvierte de nature par mieç dal cine. In continuitât cul teme di cheste edizion, “Nutrire il pianeta, Energia per la Vita”, il program di Biomovies (rassegne di film dedicade al mont naturâl) al propon par martars ai 21 di Avrîl a vot e mieze di sere (20.30) al Visionario la proiezion dal film “Fresh”. Diret di Ana Sofia Joanes la pelicule a insuaze il sisteme di produzion biologjic tant che pussibile soluzion alternative ae produzion industriâl, sielzint azions plui sostignibilis sul plan ambientâl, sociâl e de sigurece alimentâr tant che, par esempli, la agriculture biologjiche. La rassegne Biomovies a larâ a fâ un aprofondiment, tal an dal expo 2015, sul probleme dal nudriment dal om e de Tiere e des contradizions dal nestri sisteme socioeconomic.